شەو یەڵدا لەلای هونەرمەنەیل گەرمیان درۊژی وە مۆسیقا نشان دەێد
2021-12-22T06:11:31+00:00
شەفەق نیوز/ لە کتاوخانەی گشتی رزگاری، سەروە قەزای کەلار لە پارێزگای سلێمانی لە هەرێم کوردستان، شەو سێشەممە لەبان چوارشەممە، دانیشتنیگ مۆسیقا و و شعر گورانی، و باسکردن لەباوەت کەلتوور و ئەدەب کوردی، وەبۆنەی شەو یەڵدا وەڕیەو چگ.
لەو ئاهەنگ گەرمە، وە سەرپەشتی گرووپ نەوموست ئەدەبی، و بەشداریکردن گرووپ مۆسیقایی نوویگ ک ئی شەوە دامەزریا وەناونشان (یاران) بڕی لە هونەرمەنەیل شار کەلار و خانەقین بەشداری کردن، چ لە شعر و گورانی یا لە مۆسیقا و وتار ئەدەبییش، و هەمیش فرە لە گورانی و شعرەیەیلە وە زاراوەی فەیلی بەشداری کردن ک جی دڵخوەشی ئامادەبۊیەیل بۊی.
