شۆن بین هەڕەشەی خەڵاتەیل ئۆسکار دەێد
شەفەق نیوز/ ئەکتەر ئەمریکی گەورە شۆن بین هەڕەشە وە تاوانن ئەو خەڵاتەیل ئۆسکارە دا ک کەفتنە دەسی ئەگەر مکیس ڤلۆیێمێر زیلینسکی سەرۆک ئۆکرانیا نەکریەێد تا وتاریگ لە ئاهەنگ ئۆسکار لە ئیوارەی رووژ یەکشەممە بۊشێد.
بین ئەرا ویستگەی "سی ئێن ئێن" وە تونی وت: ئەگەر دەرکەفت ک ئەکادیمی سینەمایی مکیس زیلینسکی لە ئاهەنگ ئۆسکار نەکەێد، منیش گاڵ گشت ئەکتەرەیل و کارکەرەیل لە فیلمەیل کەم لە ئاهەنگ بەشەوکردن خەڵاتەیل ئۆسکار بووڕینەو، هەرچەنیش ئاهەنگەگە ئەرایان گرنگە.
وتیش، لەلای خوەمەو، هەنای چمەو ئەرا ماڵ، ئەوەسا گشت ئەو خەڵاتەیل ئۆسکارە ک وەشیوەیگ ئاشکرا کەفتنەسە دەسم گشتیان تاونمەو.
وتیش: ئومید خوازێد ک وەرپرسەیل مکیس سەرۆک ئۆکرانیا کردۊن تا وتاریگ لە ئاهەنگەگە بۊشێد.
شۆن یەکیگە لە گەورە ئەکتەرەیل هوولیود، و دووگلە خەڵات خاسترین ئەکتەر وەدەس هاوردگە.
