سروشت کوردستان وە چەو فۆتۆگرافەیل لە هەولێر...وینە
پێشانگاگە شمارەیگ لە تابلۆیەیل جوان ناوچەیل جیاواز کوردستان گرێدە خوەی ک وینەگرەیل وە کامیرەیلەیان گردنەسێ.
عومەر خزر کاکل ک وە وینە بەشداری لە پێشانگاگە کردبووی وە ئاژانس شەفەق نیوز وت" ئەو تابلۆیەیلە بەشداری وەپی کردیە لە پیشانگاگە وینەیل سروشت هەرێم کوردستانە وەپای ئەوەگ لە میلکان خوەمەو دەسوەپی کردمەک رواندزە، ک چێژ ئەلاجیویگ وەپیم بەخشێد لەورەو وەڕو ناوچەیلتر هەرێم کوردستان جویر ( زۆرگڤان) نزیک لەناوچەی بارزان و ناوچەی دوکان لە سلێمانی و کویەی سەفین لە پارێزگای هەولێر وەگەرد فرەیگ لە ناوچەیلتر تەقەلادامە رەنگینیان لەری چەو کامیراگەم تووماریان بکەم".
وتیش، " ئامانج لە وینەگردن ئی ناوچەیلە نیشاندان رەنگینی هەرێم کوردستانە ئەرا سەردانکەرەیل پیشەنگاگە" وتیش؛ " نرخ تابلۆیەیلە لە 60 هەزارەو دەسوەپی کەێد رەسێدە 120 هەزار دینار عراقی.
لەلایگیش کەریم محەمەد ک یەکیگە لە سەردانکەرەیل پێشەنگاگە وە ئاژانس شەفەق نیوز وت" گرنگی ئی تابلۆیەیلە لەوەس سەردانکەرەیل زانیاری وەبان ئەو ناوچەیلە دەسیانکەفێد توەن ئەو گژوگیا و گوڵەیلە بدوینن ک لەناوچە کویەیلە هەس ک وینەگرەیل وینەی گردنە و لە پێشەنگاگە نمایشی کردنە".
