سەیران عوسمان کلیپ نوویگ بڵاوکەێد
2023-09-07T08:29:10+00:00
شەفەق نیوز/ خانمە گورانچڕ سەیران عوسمان لە ئایندەی نزیکیگ بەرهەمە نووەگەی وە ناو "بڕۆ بڕۆ" بڵاو کەێد.
سەیران لە هەشمار ئنستاگرامەگەی بەشیگ کول لە کلیپەگەی دانایە و نویسایە "بەم زوانە"، کلیپە نووەگەی سەیران وەناو "بڕۆبرۆ" دەرهێنەر ڤیدیۆ کلیپەگەی ناسر حەیدەرییە و وەڕێوبەر هونەریی وەلایەن سەهەند وەیسی هاوسەریی ئەنجامدریاگە.
سەیران عوسمان لە خوەرهەڵات کوردستان لەداڵگبویە و ئیرنگە لە هەرێم کوردستان دانیشێد، سەرەتا وە چرین چەن گورانی فۆلکلۆرییگ دەس وە کار هونەریی کرد چەن گورانی و ڤیدیۆ کلیپیگ تایبەت وە خوەی دیرێد وەگەرد سەهەند کوڕگەی هونەرمەن عەزیز وەیسی هاوسەرگیری کردیە.
