سەیران عوسمان بەرهەم نوویگ ئەرا جەژن بڵاوکەێد
2024-04-06T07:26:44+00:00
شەفەق نیوز/ خانمە هونەرمەن گورانیچڕ سەیران عوسمان ئاشکەرایکرد ئەرا جەژن بەرهەمیگ نوو وەناو "خۆشم ئەوێیت" بڵاو کەێد.
لە هەشمار ئینستاگرامەگەی، سەیران عوسمانباس لە بەرهەمە نووەگەی کەێد و ئوشێد "رووژ سێشەممە ساعەت هەشت بڵاو بوود".
بەرهەمە نووەگەی لە تێکست مازیار فایەقە، وەلایەن ئەفشین شوکری کار میوزیک و ئەرەنجمێنتی کریایە.
سەیران عوسمان لە خوەرهەڵات کوردستان لەداڵگبویە، سەرەتا وە چڕین گورانی فلکلۆری دەسوەپیکرد و لەومەوقە لە کارەیلی وەردەوامە هەمیش شوی کردیەسە گورەگەی عەزیز وەیسی وەناو سەهەند.
