ئیسە.. ئاهەنگ خەڵاتکردن هونەرمەنيگ لە خانەقین

شەفەق نیوز/ تیم مۆسیقای خانەقین، ئمڕوو شەممە، لە ناو هۆڵ ئاغا لە شار خانەقین و ئامادەبوون بڕیگ لە هونەرمەن و رووشنهویرەیل شارەگە، ئاهەنگ خەڵاتکردن هونەرمەن خانەقینی عەلی وەندی کەێد.

جواد فەیزولڵا یەکیگ لە ئامادەبویەیل ئاهەنگەگە ئەرا ئاژانس شەفەق نیوز وت: جی دڵخوەشییە ک هوونەرمەنیگ لە وەخت ژیان خوەی خەڵاتکردن و ڕێزلێنان وەخوەی بوینێد، ک هەمیشە دویای مردن هونەرمەن و ناودارەیل وەکشتی خەڵات کریەن و پەیکەر ئەرایان کەن.

وەگورەی سەرچەوەگە، لەناو ئاهەنگەگە فیلمیگ دەربارەی مێژوو هونەرمەن عەلی وەندی پێشکەش کریەێد، ئیجا چەن گورانییگ لە خود هونەرمەنەگە، و چەن هونەرمەنیگ تر لە شارەگە بەشداری لە ئاهەنگەگە کەن.