زاڵاوا چوار خەڵات سینەمائی گرت
شەفەق نیوز- ئمساڵیش ساڵ درەوشیان هونەرمەندەێل کورد بی دە فستیواڵ فیلم و تئاتر فەجر دە ئێران.
فیلم زاڵاوا ک دەرهێنەرەگەێ ئەرسەڵان ئەمیری بییە دە سی و نۆهمین جەژنوارەێ فیلم فەجر چوار خەڵات وەرگرت ک ئەیانەن:
دیپلۆم خاسترین فیلم‌ئەڵگرتن وە موحەمەد رەسووڵی
خاسترین وازیکار پیاگ دە نەخش موکەمڵ ئەڕا پووریا رەحیمی
خووترین دەرهێنەری فیلم یەکمینەێلەگە ئەڕا ئەرسەڵان ئەمیری
بێهترین فیلمنامە‌نویسی ئەڕا ئەرسەڵان ئەمیری، ئایدا پەناهەندە (ژنەگەێ ئەرسەڵان ئەمیری)، تەهمینە بەهرام
-ئەڕا ئاگاداری
ئەرسەڵان ئەمیری وەختێ ک خەڵاتەگە وەرگرت لە خوەشی جوورێ لە پڕگ چگ ک خەڵاتەگە دا لە خەڵتەگەێ ژنەگەێ و لە دەسێ سڕ برد و کەفت و ژێرەگەێ شکیا و بەختەوەرانە خوەێ نەشکیا، ئەوی وە هەنەکی وتگە شانس هاوردمە ک خەڵاتەگەم خوەێ نەشکیا وەنە ئمشەو وە ماڵ رێیم نەددان.
ئەوی وە رێز و سڵاو وتنێ وە کوردی، دەس‌کرد وە قسە کردن و خەڵاتەگەێ خوەێ وە گشت کورد، پێشکش کرد.
خاسە بزانن ک ئی رووداوە دە شەواچەێ مەجازی ئێرانی، ئەڕا تیتاڵی فرە دەس وە دەس کریاگە و خوەێ بییە وە تەبلیغێ ئەڕا فیلمەگە.
