رۆما تماشاێ "وه‌رز كه‌رگه‌ده‌ن" ئه‌كا
2014-07-09T19:05:03+00:00
كاروان نمايش فيلم سينه‌مايى "وه‌رز كه‌رگه‌ده‌ن" وه‌رده‌وامه و له دويا مه‌نزڵگه‌ی، ڕه‌سيه بان سكرين سينه‌مايل ئيتاليا و له رۆماى پايته‌خت ئه‌و وڵاته وه ئاماده‌بوين ده‌رهاوه‌ره‌گه‌ى، فيلمه‌گه نمايشكريا.
نمايش "وه‌رز كه‌رگه‌ده‌ن" رووژ 6 ته‌مموز/ يۆليۆ، له به‌ش VIAGGIO IN PERSIA له فستیڤاڵ ناوده‌وڵه‌تی هونه‌ری "سپۆلێتۆ" له رۆمای پایته‌خت ئیتاڵیا نمایشكريا.
دوياێ نمایش په‌نجه‌مین فیلم سینه‌مایی خوه‌ی له‌ی فستیڤاڵه، قوبادی، ئاماده‌بوی جوواو پرسيار و سه‌رنج ئاماده‌بويه‌يل هۆڵ نمايشه‌گه بيه‌ێده‌و.
فیلم سینه‌مایی "وه‌رز كه‌رگه‌ده‌ن" دوياێ نمایش له فستیڤاڵ و سینه‌مای وڵاته‌یل جه‌هان له لایه‌ن رخنه‌گره‌يل و پسپۆره‌يل بوار سینه‌ماوه پێشوازی له‌لێكرياس و له گۆڤار و رووژنامه جه‌هانییه‌گان له‌باره‌یه‌و نويسرياس.
ئی فیلمه وه‌ی دوياخره له لایه‌ن كۆمپانیای بڵاوكه‌ره‌وه‌ی ژاپۆنی "كۆمیستاك گرووپ" له سینه‌مايه‌یل سه‌رتاسه‌ر وڵات ژاپۆن نمایش كريا.
ا. ج
