پەرواز هووکار بی دەنگیەگەی ئاشکەراکرد
2024-05-14T09:23:17+00:00
شەفەق نیوز/ خانمە گورانیچڕ پەرواز حسین دویای ماوەی فرەیگ لە بی دەنگی هووکار بیدەنگیەگەی ئاشکەراکرد.
پەرواز لە پۆستیگ کە لەبان تووڕ کۆمەڵایەتی ئنستاگرام بڵاویکردیە راگەیان، "سڵاورێز ئەرا گشت خوەشەویستەیل لەلیم پرسن ئەرا بیدەنگم، وە دڵنیایەو هووکاریگ دیرم ئەرا بی دەنگ بوین، تەنیا دوعای خێر ئەرامان بکەن تا وەپیدان شادەو بووم".
پەرواز حسێن لە ساڵ ١٩٨٩ لە شار رانییە لە داڵگبوییە، ئیسە لە شار هەولێر دانشتیە، لە وەرین ژن هونەرمەن گۆران ساڵح بوی و خاوەن دوو دویەتە لەلی، پەرواز ساڵ ٢٠١٣ لە پێشبڕکێ عەرەب ئایدڵ جویر دویەتە گورانیچڕ کورد ناوبانگی خاسیگ دەرکرد.
