ئەرا یەکەم جارە.. فیلم ئیرانی دارگوێز لە هەرێم کوردستان نمایش کریەێد
شەفەق نیوز/ فیلم ئیرانی "دار گوێز " لە دەرهێنان محەمەد حسێن مەهدەویان ئەرا یەکەمین جار لە لایەن کۆمپانیای مەستی فیلم لە هەرێم کوردستان نمایش کریەێد.
وەپەی ڕاپۆرتەیلیگ سینەمایی، نمایشکردن فیلم دارگوێز رووژ ٤ لە مانگ 11ی 2021 وە شێوەی هاووەخت لە پارێزگایل سلێمانی، هەولێر و دهۆک دەسوەپی کەێد.
دارگوێز باس ڕاستەقینەی ژیان تاڵ و پڕ لە نەهامەتی کەسیگە خەڵک سەردەشت وە ناو قادر مەولان پوور کەێد ک بنەماڵەگەی لە کارەسات کیمیاواران سەردەشت کەفێدە وەر چەک کیمیایی.
ئی فیلمە ئیرانییە لە فستیڤاڵ ناودەوڵەتی فیلم فەجر لە تاران خەڵات خاسترین دەرهێنەر و خاسترین ئەکتەر وەدەس هاورد.
فیلم دارگوێز یەکێگ لە فیلمەیل ئیران بۊیە ئەراوە ک جۊر نوێنەر ئێران بچوودە ڕکابەریی ئۆسکار 2021. کۆمپانیای مەستی فیلم خوازێد وە گرنگی دان وە خاڵە هاوبەشە فەرهەنگییەکان ناوبەین ئیران و هەرێم کوردستان و وەخاتر پەرەدان وە پەیوەندی فەرهەنگی و هونەری دوولایەن، فیلمە ئیرانیەیلە لە هەرێم کوردستان بڵاو کەێد.
