رەوا جەمال بەرهەم نوویگ بڵاوکەێد
2023-10-18T12:35:23+00:00
شەفەق نیوز/ هونەرمەن گورانیچڕ رەوا جەمال نووترین بەرهەم گورانی خوەی وە ناو "کۆچ" بڵاوکەێد.
رەوا لە هەشمار فەرمی خوەی باس لە نووترین کاری کەێد کە وە نیازە لە ئایندەی نزیکیگ بڵاوی بکەێد، بەرهەمەگە لە ئاواز بورهان موفتی زادەیە، لە نویسین هێمن حەمە ساڵح، کار میوزیکەگەی وەلایەن ئەمیر جەباریان ئەرای ئەنجامدریاگە.
رەوا جەمال لە ساڵ ١٩٨٢ لە شار سلێمانی لە داڵگبویە و پیشەی سەرکی پزیشکە، باوجی هەر لە مناڵی، خولیا گورانی و موسیقای کوردی بویە، سەرەتا وە چڕین گورانی هونەرمەنەیلتر دەسوەپی کەێد و ئیرنگە خاوەن بەرهەمەیلیگ تایوەت وە خوەیە.
