رەنگینیی لە داڵگی هاتگە.. هەیفا وەهبی ئاهەنگ وە جەژن داڵگ کەێد
2023-03-22T07:43:35+00:00
شەفەق نیوز/ خانمە ئەسارەی لوبنانی هەیفا وەهبی، لەبان هەشمار خوەی لە ئەنستاگرام، وە بوونەی جەژن داڵگ، پیرووزبایی لە داڵگی کرد، و وینەیلیگ وەگەرد داڵگی بڵاو کرد.
جەماوەر خوەشیان لە وینەیل داڵگ هەیفا هات، و دەسکردنە کومێنت وە دووسی و دەسخوەشی.
جی باسە ک هەیفا وەهبی لەی ماوەی دویاییە سەری لەناو توومارکردن فیلمیگ وەناونشان (رەمسیس پاریس) بوی، ک شیوەگەی کۆمیدیە و باس بڕیگ کەس میسری کەێد ک لە رەمسیس هاتنەسە پاریس، و بڕیار دەن تابلۆی مۆنالیزا لەناو موزەخانەی لۆڤەر بدزن.
