چیرۆکێ لە بێهرووز بووچانی
شەفەق نیوز- بێهرووز بووچانی، نویسەر کورد فەیلی ک جوور پەنابەرێ، چەن ساڵ وەر ژە یە، وە بەڕانییەوە پەلەمار ئوسترالیا هاورد، ئوو رۆمانێ وە نام (هیچ هەفالێ بێ ژە کێوەسان) ک وە فارسی دە نام ئوردیگایێگ ک ئەڕا کووچبەرەیلە سازریابی، نووسان و باس ژیان و مەینەت خوەێ و هامکوڕەیل و هاملفەیل پەنابەر خوەێ دە ئەو زندان‌وێنە بی، چەن خەڵات جەهانی برد و وە بوونەێ ئەوە کشوەر نیووزلەندیش ک ها لاژۆر ئوسترالیا، پەناهەندگی وەێ دا، دخوازێ چیرۆکەگەێ خوەێ وە بنزار کوردی فەیلی، بڵاوەو بکەێ.
دە قەرار، ئی چیرۆکە وە نام (چیرۆکی سەرکڵاو) بڵاوە دبێ.
بێهرووز، بەیرەیێگە لە ئێڵ بەیرەێ ئوستان ئیلام.
بێهرووز، چناو بڵخەیێگ خستە رێ دە نام ماف‌مرۆڤ‌خوازەیل و نویسەرەیل ئازاد دنیا ک ئێسە دی نامێگە ناسریاگ ئەڕا گشت کەسێ دە گشت دنیا ک کەڵکەڵەێ مەینەت و رەنجەرووئێ پەنابەرەیل بەسەزوان و بێ‌تاوان دیرێ.
