دووارە قسە کەفێدە شوین شاکیرا… ئایا دووسیگتر پەیا کرد؟
2023-03-28T09:54:06+00:00
شەفەق نیوز/ ئایا شاکیرا، خانمە ئەسارەی کۆلومبی، دویای جیاوەبوینی لە تووپانباز نادودیار گیرارد پیکێە، دووس نوویگ ئەرا خوەی پەیا کرد؟، ک وەگورەی میدیایل راگەیانن کۆلومبیا، ديارە جاریگتر دڵداری کەێد.
دویای ئەو ژاوەژاوە ناوبەین خانمە گوانیچڕ و تووپانباز وەرین لە ماوەی مانگەیل گوزەشتە، دیارە کارەگە کپ و بیدەنگەو بویە، و هەریەک لەلیان چیە ناو ژیان خوەی.
هاتێ لە نشانەیل ئەوە ک شاکیرا دووس نوویگ دیرێد، ئەوەسە ک شاکیرا تواێد واز لە پەرشەلۆنە بارێد، و خوازێد لەناوڕاس مانگ نیسان ئەرا میامی بار بکەێد، چوینکە ئەو مەوقە پشوو مەکتەو مناڵەیلی دەسوەپی کەێد.
ئویشن؛ خانمە هەسارەی گورانی، دووس نوویگ پەیا کردگە، و لە میامی چەوی کەفتیەسە ئەو پیاوە، و یە چوار مانگە هاوە گەردی، ک دیارە یە دڵداری نوویگە ئیرنگە دەسوەپی کەێد.
قسە و باسەیل فرەیگ لەی باوەتە هەس، وەلێ تەنیا زانیارییگ لەبان ئەو پیاوە هەس ک لە ئەمریکا داکاسیاگە، و یە چوار مانگە وەیەکەو هامشوو کەن.
