دوێیمین دەورهێ خەڵات ئهدهبی باشوور، دە ئیلام
![دوێیمین دەورهێ خەڵات ئهدهبی باشوور، دە ئیلام](https://media.shafaq.com/media/arcella/1609437903540.jpg)
شەفەق نیوز- چوارشەمە، دوێیەکە، مەراسم ئانلاینێ، ئەڕا دیاری کردن ئەڵوژریاگەیلەێ دوێیمین دەورەی خەڵات ئەدەبی باشوور، دە ئیلام، ئەونریا.
دە ئی مەراسمە، زاهر سارایی و فەرهاد شامورادیان، شییە کریان.
عومران نەوئامووز بەرپرس ئدارەی فەرهەنگ و ئرشاد ئسڵامی ئیلام، خەڵاتەیلەێ ئی دو شاعر ئیلامییە، دا وەێیان.
دە ئی مەراسم ک وە خاتر ویرداری لە پوروتوکوڵەیل کورونا، ئانلاین نریا، هە بڕ کەمێ لە شاعرەیل و نویسەرەیل ئیلامی، گلەوژن کریاگ، چڕییان ئەڕا بەشداری کردن.
خەڵات باشوور، لە لایەن نەشر باشوور و ئرشاد ئسڵامی ئیلام، یە دو جارە دنرێ تا نویسەرەیل کتاوەیل کوردیێ ک دە ئیلام لە لایەن ئیلامییەیلە، دەسدەناوەیل ئی کارە شییەێیان دکەن، خەڵاتی ببن.