دویای 29 ساڵ لە قەیەغەی پەخشکردن کازم ساهر کلیپیگی دوارە بڵاو کەێد
2022-06-21T13:37:55+00:00
شەفەق نیوز/ گورانیچڕ عراقی کازم ساهر لە لاپەرەی تایبەت وەخوەی لەبان تووڕ کۆمەڵایەیتی فەیسبووک دویای 29 ساڵ لە قەیەغەکردن پەخش یەکیگ لە کلیپەیلی دوارە بڵاوی کەێد.
ڤیدیۆ کلیپەگەی کازم (هدد كسر) وەلایەن هەوادارەیلی پیشوازی فرەیگ لەلی کریا و وە یەکیگ لە گورانی سەرکەفتیەیلی ناوبریا.
جی باسە ئەو کلیپە 29 ساڵ وەرجە ئیسە وە پاساو گاڵداین تونوتیژی لەناو خیزان پەخشکردنی لە عراق و وڵاتەیل ئەرەوی قەیەغە کریا باوجی دویای ئەو ماوەی فرە کازم خوەی بڵاوی کرد.
گۆڤار زوهرەت ئەلخەلیج، لەبان وشەیل گورانیەگە دیاری ئەوە کەێد، هووکار قەیەغەکردنەگەی ئەرا لێکداوەی سیاسی چوود ک ئەرا کلیپەگە کریایە، وەپای ئەوەگ تێکست هۆنراوەگەی وەلایەن کەریم عراقی نویسریایە.
