دز بیتاوان

لە سەردەم مناڵی، جگارە لە باوگم دزیام، باوگمیش ئاگادار بوی کە جگارەی ناو پاکەتەگەی کەمەو بوود، ئەویش بوخت وە برا گەورەگەم کردیاد، و دەس فرەیگیش لەلی وەشانیاد، و قەت گومان وەمن نەکرد.

هەرچەن ئەو برای گەورەمە گشت قەسەمیگ ئەرا باوگم خواردیاد، ک هویچ جگارەیگ لەلی نەوردیە، وەلێ بیخود، باوگم هویچ بڕوایگ وەپی نەیاشت.

تا جاریگ هات، باوگم کوڵە لەلیمان گرد، و خوەی کردە خەفتگ، و چەوەڕی برا گەورەگەم کرد تا وەختیگ باێد جگارە بدزێد بگرێدەی.

منیش ئەو مەوقە، نیەزانم باوگم نەخەفتیە، وەبان کلگەیل پا، چگم جگارەیگ بدزم، و باوگم هاتە خەوەر و هویچیگ وەپیم نەکرد، و وت: کوڕم، من خاس زانم یە کار تو نییە، زانم برا گەورەگەد تو کل کردیە تا جگارەیگ ئەرای بدزید.

باوگم جاریگ ترەک وە چەپاڵە وەشکیا براگەمەو.