دینا گورانی نوویگ بڵاو کرد

شەفەق نیوز/  خانمە هونەرمەن گورانیچڕ دینا نووترین ڤیدیۆ کلیپ خوی وەناو "دۆزەخ"  بڵاوکرد. 

بەرهەمە نووەگەی دینا باس لە دیاردەی ژن و ژن کوشتن کەێد، ئاوازدانەر دیار کورد هەڵکەوت زاهیر لە چەناڵ تایبەت خوەی لە تووڕ کۆمەڵایەتی یوتوب بڵاویکردیە، هۆنراوەگەی نەوژین سۆرانە و ئاواز گورانیەگە وە لایەن هەڵکەوت زاهیر دانریاگە، هاوکات رێناس کورداخ کار ئەرەنجمێنت ئەرای کردیە، و ریشاخ مەحمود کار دەرهاوردن ئەرا کلیپەگە ئەنجامدایە. 

جی باسە خانمە گورانیچڕ دینا لە 17 مارس بەرهەمیگتر وەناو "گرەو" بڵاوکرد. 

دینا، لە شار ڕانیە لە داڵگبۊیە و لە شار هەولێر دانشتگە، لە مانگ تەمووز ٢٠١٧ دەس وە کار هونەری کردیە و یەکیگە لەو خانمە گورانیچرەیلە ک هونەرمەن و ئاوازدانەر کوردستان ھەڵکەوت زاھیر، کار ھونەری ئەرای کەێد،  خاوەن ئەلبوومیگ و چەند ڤیدیۆ کلیپیگە،  پارەکە ئەو هونەرمەنە چیە ژیان هاوسەریەوە و هاوسەرەگەی خەڵک خوەرئەڵات کوردستانە و  کار فۆتۆگرافی کەێد.