دینا و بەختیار ساڵح دوێتیگ ورد یەک بڵاوکەن
![دینا و بەختیار ساڵح دوێتیگ ورد یەک بڵاوکەن](https://media.shafaq.com/media/arcella/1703674571184.jpg)
2023-12-27T10:56:54+00:00
شەفەق نیوز/ هەردگ گورانیچڕ دینا دەرزی و بەختیار ساڵح لە ئایندەیگ نزیک دوێتیگ وەناو " ماشەڵات لێ بێ " بڵاوکەن.
خانمە هونەرمەن دینا لە لاپەڕەی فەرمی خوەی لە تووڕ كۆمەڵایەتی ئینستاگرام کوڵە ڤیدیۆی بەرهەمە نووەگەیان بڵاوكردیە و نویسایە، نووترین بەرهەم وەی زویەیلە.
بەرهەمەکە لە تێکست و ئاوازی هونەرمەن بەختیار ساڵحە و کار دابەشکردنی وە لایەن ئاریۆس کریایە، وکار دەرهێنانەگەی وەلایەن ئاراس کریایە.
دینا خەڵکی رانیەیە و لە هەولێر دانیشێد، ماوەی چەند ساڵیگە دەس وەکارهونەری کردیە.
بەختیار ساڵح هونەرمەندیگ میللی ناسریاگە و خاوەن چەندین گورانی و ڤیدیۆ کلیپە و لە بوونە و ئاهەنگەیل گورانی چڕێد.