دینە و هۆزان دویتیگ ئەنجامدەن
شەفەق نیوز/ (وارێ مە) نووترین کار هاوبەش هەردگ گورانیچڕ دینا و هۆزان برادەرە ک لە کاناڵ یوتیوب هەڵکەوت زاهیر ئاوازدانەر بڵاوکریایە.
هۆنراوەی بەرهەمەگە وەلایەن ئەکرەم ئاکرەیی دانریایە و هەڵکەوت زاهیر کار دەرهێنان ئەرای کردیە، و ئایدن ئەرگوزەل کاری ئەرەنجمێنتی ئەرای وەئەنجام دایە.
دینا، لە شار ڕانیە لە داڵگبویە و لە شار هەولێر دانشتگە، لە مانگ تەمووز ٢٠١٧ دەس وە کار هونەری کردیە و یەکیگە لەو خانمە گوورانیچرەیلە ک هونەرمەن و ئاوازدانەر کوردستان ھەڵکەوت زاھیر، کار ھونەری ئەرای کەێد، خاوەن ئەلبوومیگ و چەن ڤیدیۆ کلیپیگە.
هۆزان برادەر لە ساڵ (١٩٥٨) لە ماردین باکوری کوردستان لەداڵگبویە، ساڵ (١٩٧٦) لە شار وان وە توومەت چڕین گورانی كوردی زیندانی كریایە، دوای (١٢) ساڵ ناچار بوی كوردستان وەجی بیلێد و روی لە وڵات هۆڵەندا کرد، بیجگە لە گورانیچڕین، شیعر نویسێد و لە چەن فیلمیگ جویر ئەكتەر بەشداری كردیە.
