دیلان هونەر نووترین کار هونەری خوەی بڵاوکەێد

شەفەق نیوز/ هونەرمەن گورانیچڕ دیلان هونەر نووترین کار هونەری خوەی وە بونەی جەژن قوربان وە ناو "دەرمان"  بڵاو کەێد.  

دیلان لەبان هەشمار تایبەت خوەی لەبان تووڕ کۆمەڵایەتی ئینستاگرام  باس لە کارە هونەریەگەی کردیە ئویشێد: ڤیدیۆ کلیپەگە جویر دیارییگ وە هەوادارەیلی لە یەکەم رووژ جەژن قوبان بڵاوی کەێد.  

"دەرمان" ناو بەرهەمە نووەگەیە و لەماوەی گوزەشتە وە شیوەی دەنگ بڵاوی کردوێد، ئیرەنگە کار ڤیدیۆ کلیپ ئەرای ئەنجامدایە و لە رووژ جەژن بڵاوی کەێد.  

دیلان هونەر لەداڵگبوی ساڵ ١٩٩٣ لە شار سلێمانی و دەرچگ پەیمانگای کۆمپیوتەرە، خاوەن چەندین گورانی و ڤیدیۆ کلیپیە.