خانمە هونەرمەنیگ لوبنانی دۊیایی مردنی ناوی چوودە ناو کتاو گینس

شەفەق نیوز/ خانمە گورانیچر و هونەرمەن لوبنانی، سەباح دۊیای مردنی ناوی چگە ناو کتاو گینس لەوەر ئەو دەستكەفت گەپەێلە لە ماوەی كار هونەری داشتیە.    

وەگورەی میدیایەێل عەرەبی، خانمە ئەكتەر و گوورانیچڕ، سەباح لە ناوی چوودە ناو کتاو کێنس، چۊینکە خاوەن شمارەی فرەیگ لە بەرهەم ئەدەبییە،  ك خوەی لە چوار  هەزار گوورانی، 87 فیلم و 27 شانۆ دۊینێدەو.    

دوسدارەێل سەباح دڵخوەشن وەئەوە ک هونەرمەنە دڵخوازەگەی خوەیان لە دۊیای مردنی رەسیەسە ئەو پلەیە ك ناوی لەو کتاوە توومار بکرێد.    

سەباح ناو راسیەگەی جانێت جۆرجس فەغالییە، لە خێزان سادەیگ لە ساڵ 1927 لە یەكیگ لە ئاوایەێل لوبنان لە داڵگبۊیە، لە تەمەن فرە کەمیگ کەفتیەسە وەر چەو لەوەر تواناگانی سەرنج دەرهێنەر فیلمەێلە وەرەو خوەی کیشایە و هاتیەسە ناو زنەیی هونەر، تا دۊیایی تەمەنی ٣ەردەوام بۊیە لە كار هونەری، لە ساڵ 2014 لە تەمەن 87 ساڵی دۊیا کووچی کردیە..