خانەقین میوانداری کۆنفرانس چیرووک کەێد
شەفەق نیوز/ بڕیارە سوو پەنجشەممە، نویسەرەیل عراق بڕەسنە شار خانەقین، ئەرا ئامادەبوین لە یەکەم کۆنفراس (تامەڕا) ئەرا چیرووک و رۆمان، کە وەلایەن یەکێتی نویسەر و ئەدیبەیل دیالە وەڕیەو چوود.
کۆنفرانسەگە تا ماوەی سێ رووژ وەردەوامە، کە باس چیرووک و رۆمانەیل عراق کەێد، و بڕیگ راپۆرت و بەشداریکردن و وتار ئەدەبی لەناوی ئەنجام دریەێد.
رووشنهویرەیل شار خانەقین، دەسەیگ ئەرا پیشوازیکردن لە میوانەیل ئامادە کردن، تا و یاوەری میوانە ئەدیبەیل بوون، تا کەلتوور و مەردم و شوینەیل شارەگە زیاتر بناسن.
لە بەرنامەی کۆنفرانسەگە، راپۆرتیگ لەبان شار خانەقین وەلایەن ماڵ رووشنهویری شەهید سەلام ئامادە کریاس، کە بڕیارە لە پیشەنگی کۆنفرانسەگە پیشکەش بکریەێد.
کۆنفرانسەگە لە ناوەند کلتووری خانەقین، و ماڵ شەهید سەلام، و كتاوخانەی گشتی، و سەنتەر لاوان لە خانەقین وەڕیەو چوود، وەگەرد چەن چالاکییگ مۆسیقا و هونەر، و واژووکردن چەن بەرهەمیگ رۆمان و چیرووک.
جی باسە کە (تامەڕا) ناو کومیتەی چەم خرێسانە لە بەعقووبە ناوەند پارێزگای دیالە.
