خەڵات گەوراێ رخنەگەران، ئەڕا فیلم "زاڵاوا"
شەفەق نیوز/ فیلم "زاڵاوا/ Zalava" ک "ئەرسەڵان ئەمیری" دەرهاوردگەسەێ، دە سی و شەشمین دەورەێ جەژنوارەێ فیلم "ونیز"، بی وە خاون خەڵات گەوراێ "هەفتەی رخنەگران/ Critics' Week".
بێ‌ژە ئی خەڵاتە، ئی فیلمە دە هەفتا و هەشتمین دەورەێ فستیواڵ فیلم "ونیز / Veniz" دە ئیتالیاییش، خەڵات "فیپرشی/ FIPRESCI" کرد وە هن خوەێ.
یەکمین کار سینەمایی وە کارگەردانی "ئەرسەڵان ئەمیری"، دە بەش هماڵدارەکی "هەفتەی رخنەگران" سێ سانس خریا وە بان پەردە و هەم بی وە دڵخواز تەماشاوانەێلە و هەمیش رخنەگرەێلە و نویسکارەێلە.
ئی کارە وە پێشتەوانی "فرۆم فیلم" هۆنگ‌کۆنگ "HAF"، ماڵگەێ فیلم کورەێ خوارین "KOFIC" ئوو وە بەشداری "بنیات فیلم فارابی" ک گەپترین ماڵگەێ سینەمائییە دە ئێران، ئوو وە سەرمایەناری "تووبا فیلم" سازریاگە و کومپانی ناودەوڵەتی "لیوولک / Levelik" پەسا دە دنیا بڵاوێیەو دکەێ.
خاسە بزانن ک فستیواڵ ونیز، کوانەترین رووداو سینەمائییە دە دنیا ک ئمساڵیش وە بەرپرسی "ئاڵبرتو باربرا/ Alberto Barbera" له یەکم تا یانزەهم سپتامبر 2021 ده شار ونیز نریاوه.
