ئەحمەد هەیاس ئەلبووم نویگ بڵاو کەێد
![ئەحمەد هەیاس ئەلبووم نویگ بڵاو کەێد](https://media.shafaq.com/media/arcella/1619515187578.jpg)
شەفەق نیوز/ دویای ماوەی فرەیگە ک هیچ بەرهەمیگ لەلاین گورانیچڕ کورد خانەقینی ئەحمەد هەیاس دەرنەچگە، ئەلبوومیگ گورانی وەناو (باران) بڵاو کەێد.
ئەڵبووم (باران) لە شەش تراک گورانی کریاگە، وەی نزیکە بڵاوی کەێد، و گشت تراکەیل ئەلبوومەگە لەلایەن هونەرمەن ئاراس رفعەت لە ستۆدیۆی پیانۆ کار دەنگەی ئەنجام دریاگە، و فرەی ئاوازەیل تراکەیل لەلایەن خود ئەحمەد هەیاس دانریاگە.
ئەحمەد هەیاس، لە ساڵ ١٩٨٥ دەس وەکار هونەری کردگە، و فرەی گوریانەیلی وەشیوەزار کوردی فەیلی چڕییە، و لە رادیۆی کوردی بەغداد ١٤ گورانی تۆمار کردگە.