"تویەم هەنجیر پیرووز".. فیلمیگ ئیرانی وە دزیەو توومار کریاس و هاوماڵی لەبان ئۆسکار کەێد

شەفەق نیوز/ دویای ئەوە کە ئاهەنگ خەڵات ئۆسکار ساڵ 2025 وە بردنەوەی 5 خەڵات وەلایەن فیلم “ئەنۆرا” تەواو بوی، فیلمیگ ئیرانی وە ناو “تویەم هەنجیر پیرووز” ئامادەیییگ گەورە داشت و کێبڕکێی خەڵات خاسترین فیلم درویژ ناودەوڵەتیی کرد.

 فیلمە نووە ئیرانییەگە وە دزیەو لە ئیران توومار کریاس و باس لەو ناڕەزایەتیەیلە کەێد کە دویای مردن مەهسا ئەمینی رویدان.

 رویداوەیل فیلم "تویەم هەنجیر پیرووز"، لە دەرهێنان "محمد ڕەسوولۆف" دەرهێنەر ناسریای سینەمایی ئیرانی، لە بان دادوەریگ ئیرانیە کە لە دادگای شۆڕش کار کەێد و کەفێدە وەر یاخیبوین دەبێتەوە لەلایەن دوو دویەت هەرزەکارەگەی کە وەگەرد دەسکردن ناڕەزایەتییەیل لەڕویی وسیەن.

وەگورەی ڕەوژنامەی ئەمریکی نیویۆرک تایمز، رەسولۆف (52 ساڵ) وەبی وەرگردن رەزامەنی و مووڵەت حکومەت، دەرهێنەر فیلمەگە بویە وە نهێنی لە چەن ناوچەیگ ئیران توومار کردیە.

 جویر فیلمە ویرەدارەیل ترەک ئیران کە لە ساڵەیل گوزەشتە وە نهێنی توومار کریانە، “تویەم هەنجیر پیرووز” ری وەپی نەیریا لە ئبران نمایش بکرێد و لەوەر ئەوە لە ئاست ناودەوڵەتی بەشەو کریا، لەورا جویر پاڵیاییگ لە ئەڵمانیاو لە خەڵات ئۆسکار هاوماڵی کرد، کە هاوبەش بەرهەمهاوردن فیلمەگە بوی.

 رەسولۆف تەمەن 52 ساڵ، لە مانگ ئایار، چەن رووژیگ وەرجە نمایشکردن فیلمەگە لە فێستیڤاڵ فیلم کان، لە ئیران دەرچگ و دویای ئەوەگ وە توومەت پەیوەندیدار وە چالاکییە سیاسی و هونەرییەیل، سزای 8 ساڵ زیندانیکردن و (جەلد) لەبانی چەسپیا.

 ئەو کەسە وەرجەیە لە سا  2022 وەخود مدوو تا ماوەی 8 مانگ زیندانی کریا.

 رەسولۆف لە دیداریگ وەرد رووژنامەی نیویۆرک تایمز وت: “بزووتنەوەی ژیان و ئازادی ژنەیل خاڵیگ سەرەکی بوی لە سینەمای ئیران.”

 وتیش: فرە کەس لە ناو سینەماکارەیل و هونەرمەنەیل سینەما، خوازینە کۆت و بەندەیل سانسۆر بشکنن و ئازادی هونەری وەکار بارن.

وەگورەی ئەو رووژنامە، دادگای ئینقلابی ئیران پرسیگ نوو تاوانکاری لەبان رەسولۆف و ئەندامەیل تیمەگەی واز کردنە، و فیلمەگەی وە هەڕەشەکردن لە ئاسایش نەتەوەیی ئیران و بڵاوکردن بی رەوشتی توومەتبار کرد.

 رووژنامە ئەمریکییەگە بڵاویش کرد کە ئیرنگە فرەی تیمە سەرەکییەیل فیلمەگە لە ئیران دەرچینە، بیجگە لە ئەکتەر سەرەکی فیلمەگە، سۆهەیلە گوڵستانی، کە تاکە کەسە کە هیمان لە وڵاتەگە مەنیە و کەفتیەسە نوای دادکاری.

 گوڵستانی (تەمەن 44 ساڵ) لە دیداریگ لە تارانەو وت: “ئەرا من، ئەوە زیاتر بوی لە کارکردن لە فیلمیگ، و بیگومان ئەوە بوی کە وینەیگ راسگانی کەسایەتی ژنیک پیشکەش بکەێد کە هەرگیز دەرفەت دەرکەفتنی لەبان شاشە نەویە.”