تەرەزان وەگەرد فڕۆکەیگ کەفێدە خوار
2021-05-31T09:15:59+00:00
شەفەق نیوز/ ئەکتەر ئەمریکی جۆ لارا، ک وە کەسایەتی تەرەزان وەناوبانگ بوی، رووژ شەممە، وە رووداو کەفتن فڕوکەیگ لە ولایەت تینیسی ئەمریکا گیانی لەدەسدا.
هەسارەی ئەمریکی ٥٨ ساڵان، یەکیگ بوی لەو ٧ کەسە ک لە کەفتن فڕۆکەی بویچگیگ لەناو دەریاچەیگ لە نزیک ناوچەی سمیرنا لە ولایەت تینیسی مردن..
ئاژانس ئسیوشید پڕیس وت: جوین شانیان لارای هاوسەری و ٥ کەس تر لەناو کوشیایەیل بوین.
