بەش شەشەم زنجیرە فیلم Final Destination پەخشکرێد
2024-12-11T10:00:30+00:00
شەفەق نیوز/ چواردەساڵ رەدبوی لەبان بەش کۆتا زنجیرە
فیلم Final Destination کە بەش پەنجەم بوی، بڕیارە لە ساڵ نوو بەش شەشەم زنجیرە فیلمەگە پەخشبکرێد.
وەپای ماڵپەر Deadline، شەشەم بەش زنجیرە فیلمەگە وە ناو Final Destination: Bloodlinesبوود و لە ١٦ی ئایار ٢٠٢٥ لە سینەماگان نمایش کرێد.
فیلمە نووەگە وەلایەن نووسەرەیل Scream Guy Busickو Lori Evans Taylorنویسریاگە و زاکی لیپۆڤسکی و ئادەم بی ستین کار دەرهێنانی کەن.
چیرۆک فیلمەگە وەینویرەس، کەسیگ لەناوەین چەن هاوڕێیگی مەزەنەی ئایندە ئەرای تێد و دوینێد، هەرجارەو مردن یەکیگ لە هاوڕێ یا کەسەیل دەوروگەردی دوینێد تەقەلا دەێد ریگری لەلی بکەێد.
