بەش دویەم فیلم "جۆکەر"... داهات نائومیدکەر و کاردانەوەی رەشبینانە

شەفەق نیوز/ فیلم “جۆکەر: فول دۆ” کە بەش دویەم فیلم “جۆکەر” تۆد فیلیپسە لە ساڵ ٢٠١٩، ئەو ئومیدو کە چەوەڕیی کریا دویای سەرکەفتن بەش یەکەم، نەڕەسی، کە داهاتیگ نائومیدکەر وەدەس هاورد کە رەسێدە ٤٠ ملیۆن دۆلار لە بۆکس ئۆفیس، کە وە شیوەیگ وەرچەو لە خوار شمارەی پەیمانەیی فیلم وەرینی کە زیاتر لە ٩٦ ملیۆن دۆلار بوی.

وەقسەی ڕەخنەگرەیل، ئی داوەزیان تیژە سەر لە سینەماکارەیل شیوان، وەتایبەتی دویای ئەوەگ بەش یەکەم فیلمەگە خەڵات ئۆسکار وەدەس هاورد، و قازانج میژوویی وەجی هاورد.

مەزەنەیل سەرەتایی دەسنیشان کردن کە فیلمە نووەگە وە قاجانزبگ گلەو خوەێد کە هاتێ بڕەسێدە ٧٠ ملیۆن دۆلار، بەڵام رزبەندی فیلمەگە لە فێستیڤاڵ فیلم ڤێنیز لە ٦٣% داوەزیا ئەرا ٣٣% تا کۆتایی هەفتەی نمایشکردن فیلمەگە.

هەرلیوا، کاردانەوەیل بوینەرەیل رەشبینانە بوین، فیلمەگە لە سینەماسکۆر پلەی D وەدەس هاوردر و لە ڕاپرسییەیل پۆستتراک لە پەنج ئەسارە تەنیا یەک ئەسارە کەفتە بەشی.

وەقسەی پۆڵ دێرگارابیدیان، شرۆڤەکار ناودیار میدیا، ئی نووڕینەیل بەدە سەختیگ گەورەن ئەرا خاسەوبوین لە خەرج بەرهەمهاوردن فیلمەگە کە لەلای کەمەو ١٩٠ ملیۆن دۆلار بوی.

وەگەرد نمایش فراوانی لە 4102 سینەما لە ئەمریکای باکوور و گردەوکردن 81.1 ملیۆن دۆلار لە ئاست ناودەوڵەتی، کە بڕ داهات جەهانیی رەسێدە 121.1 ملیۆن دۆلار، بەڵام نمایش بەشە نووەگەی فیلمەگە هیمان لە خوار چەوەڕیکردنە.

 بڕیارە وەی نزیکە فیلمەگە لە ژاپۆن و چین نمایش بکرێد، بەڵام کاردانەوە سەرەتاییەیل پرسیار لەبان ئایندەی دروس کەن.

بەش نوو فیلمەگە کە لەیدی گاگا لەخوەیگرێد و توخمە مۆسیقیەیلیگ، تەقەلا دەێد وەدویاچگن ئەرا دەروینناسی ئارسەر فلێک (جواکین فۆنیکس) بکەێد لە وەختیگ لە ئارکهام دەسوەسەرە.

 بەڵام ڕەخنەگرەیل باس ئەوە کردنە کە تیکەڵکردن درامای زیندان و وروژینەرەیل هۆڵ دادگا و مۆسیقا بویەسە مدوو فیلمیگ "وە شیوەیگ بی نز".

یەکەم فیلم "جۆکەر" مشتومڕیگ لەبانی بوی بەڵام سەرکەفتن گەورەیگ وەدەس هاورد، 11 پاڵیوراو ئۆسکار هاوردە و زیاتر لە یەک ملیار دۆلار لە بۆکس ئۆفیس گردەو کرد.  لە وەختیگ بەشە نووەگەی کەفتە وەر رەخنە.