"ئاوات" و گیچەڵەێل کورد فەیلی
شەفەق نیوز/ دوسەد و پەنجا و هەفتمین ژمارەی هەفتەنامەێ ئاوات دەرهاتە دەر.
ئی ژمارەیش دە هەشت لاپەڕە هاتگەسە دەر و بوارەێل فەرهەنگی و کومەڵایەتی و سیاسی دە نامێ نووسریاگە.
بەرپرس ئی هەفتەنامە ک دە شار سنە بڵاوەو دبێ، "موحەمەد فەرید سەماواتی"یە.
دە ئی ژمارە باسێ ئەڕا گلیەێ کردن لە نویسکارەێل و شاعرەێل و هونەرمەندەێل لە لایەن رودوس فەیلی "مستەفا بەیگی" چاپەو بییە ئوو ئی چالاک کورد فەیلییە لە بێ‌دەنگی ئەوان دە بان کارەساتەێلێ ک وە سەر کورد فەیلی دە ئێران و عراق هاتگە رخنە گرتگە و وتگە: وەداخەوە "کورد فەیلی" جوورچشتێ خەریوەو کەفتگە و دە ئی خەریوگیرییە، یە هە کورد فەیلییە ک لە ویرەو چگە.
ئەوی وتگە: یەکێ لە کارساتەێلێ ک چالاکەێل کورد دە ملێ نەنووساننە؛ بومب‌واران کریان و کوشت‌وبڕێگە ک دە زەمین تووپان شار چەوار دە ئیلام کەفت. دە ئی مسیوەت دڵتەزنە ک نزیکەێ سی و پەنج ساڵ وەر ژە یە کەفت، پانزە زاڕوو و مێرمناڵ ک تووپانکار و داوەر و تەماشاوان وازییەگە بین کوشریان و قەیرێ‌تریش زامدارەو کریان.
ئەڕا دیین و خوەنستن ئی هەفتەنامە بچنە نام کتاوخانەی ئلکترونیکی شەفەق‌نیوز.
