یانزەهمین فستیواڵ فیلم کوردی دە برلین

شەفەق نیوز/ یانزەهمین جەژنوارەێ فیلم کوردی دە شار "برلین/ Berlin" ئاڵمان دنرێ.

دە ئی فستیواڵە، فیلمەێلێ دە چەن بەش جوور داستانی، کورتەفیلم، موستەنەد ئوو بەش هاماڵدارەکی ددرنە نیشان.

ئی جەژنوارە لە لایەن کومپانی سینەمائی "میتووس فیلم mitusfilm" ئاڵمان ئوو وە مودیرییەت "مێهمت ئەکتاش" و وە هامکاری "کانی مەعرووف" دەرهێنەر کورد ئوو وە بەشداری و هاتن هونەرمەندەێل و هونەردووسەێلە، دە رووژەێل 14 تا 20 ئوکتوبر 2021، ده سینەما "بابیلۆن/ Babilon" برلین دنرێ.

دە بەش پەردەلادان لەێ فستیواڵ، فیلم "ئەزموون / The Exam" بڵاوەو دبێ ک کارێگە هەبەشە هن هەرێم ئوو قەتەر و ئاڵمان و دۆماێ پەخشێ دانیشتنەوەێ پرسیاری و جواو داین وە بەشداری "شەوکەت ئەمین کوورەکی" دەرهێنەرەگەێ وەگەرد "ئاڤان جەماڵ" و "حوسەێن حەسەن" دنرێ.