"ئانۆرا" لە شەو ئۆسکار خەڵاتەیل درەو کەێد (وینە)

شەفەق نیوز/ فیلم تراژیدی کۆمیدی "ئانۆرا"، لە دەرهێنان شۆن بەیکەر، خەڵات ئۆسکار خاسترین فیلم وەدەس هاورد، لە دەسکەفتیگ گەورە ئەرا ئەو کارە کە لە مانگ ئایار ساڵ گوزەشتە خەڵات پاڵم دۆر لە فێستیڤاڵ کان وەدەس هاورد، و وە گشتی 5 خەڵات ئۆسکار بردیە.

 ئی کارە جویر چیرووکیگ هاوچەرخی "سەندرێلا"، کە لە لەبان خانمە سەماکەریگ رویتکار خەڵک نیویۆرکە، کە کەفێدە دڵداری دەوڵەمەنیگ رووس، وەرجەیەگ بکەفێدە وەر سووکایەتیکردن چینایەتی لەلایەن کەسوکارە دەوڵەمەنەیل شویەگەی، فیلمیگ سەروەخوەیە کە بودجەی وینەگردنی لە ٦ ملیۆن دۆلار زیاتر نەویە.

 "ئانۆرا" خەڵات وەدەس هاورد 

 لە کێبڕکیگ ئی دیارترین ئۆسکارە، فیلم “ئانۆرا” لە فیلمەیل "زە پڕۆتاليست" و"ئێه كومبليت ئەنون" و"كونكلايف" و"دون: پارت تو" و"ئیميليا بيريز" و"ئايم ستيڵ هێر" و"نيكل بويز" و"زە سبستنس" و"ويكد" رەد کەێد.

 مایکی مادیسۆن خەڵات ئۆسکار خاسترین ئەکتەر دەیوت وەدەس هاورد  لەبان ڕۆڵی لە فیلم “ئانۆرا”، کە لەناوی وە نشاندان سەماکارەگە تەماشاکەرەیل سەرسام کرد.

سەرکەفتن مادیسۆن گەورەترین سوپرایز بوی لەناو ئاهەنگ خەڵاتەیل، چوینکە وەرجە ئەسارە دێمی مۆر کەفت، کە وە ئەگەر فرەترین چانس ڕۆڵی لە فیلم "The Sepulcher" دانریا، و سینتیا ئێریڤۆ ("ويكد")، فێرناندا تۆرێس ("ئايم ستيڵ هێر")، کارلا سۆفیا گاسکۆن، کە دویای تویتەیل کویەن و ڕەگەزپەرستانە مشتومڕ لەلی کەفتەو.

 لەی چوارچیوە شۆن بەیکەر خەڵات ئۆسکار خاسترین دەرهێنەر ئەرا فیلم “ئانۆرا” وەدەس هاورد.

 ئادرین برۆدی... خاسترین ئەکتەر

 لە لاییگ ترەک، ئەکتەر ئەمریکی ئادرین برۆدی خەڵات ئۆسکار خاسترین ئەکتەر وەدەس هاورد لەبان ڕۆڵی لە فیلم “The Brutalist” کە دویەم ئۆسکارە ئەرای.

 فیلم "The Brutalist" چیروویگ کووچکردنیگ نشان دەێد، کە لەناوی تەلارسازیگ یەهودی -مەجەری لە رخدارترین جەنگ جیهانی دویەم واێد و کەفێدە مینەی زیانیگ خاستر ئەمریکا، وەگورەی ئاژانس پی ئەی میدیای بەریتانی.

 برۆدی یەکەم ئۆسکاری لە ساڵ ٢٠٠٣ وەدەس هاورد، لەبان ڕۆڵی لە فیلم ""ذا بيانست" ڕۆمان پۆلانسکی.

 زۆی سالدانا خاسترین ئەکتەر دویەت

 هەرلیوا، خانمە ئەکتەر ئەمریکی زۆی سالدانا خەڵات ئۆسکار خاسترین ئەکتەر دەسمیەتیدەر وەدەس هاورد لەبان ڕۆڵی لە فیلم “ئیمیلیا پێرێز”.

 لە وتاریگ دویای وەرگردن خەڵاتەگە وت: "شانازی کەێد کە مناڵ داڵگ و باوگیگ کووچبەرە".

سالدانا (٤٦ ساڵ) لەبان بەرژەوەنی ئەسارەیلیگ جویر ئاریانا گراندە، فێلیسیتی جۆنز، مۆنیکا باربرۆ و ئیزابێلا ڕۆسێلینی ئیتاڵی ئەرا ئی بەشە پەسەن کریا.

 سالدانا یەکەم ئۆسکاری  لەبان ڕۆڵی لە فیلم “ئیمیلیا پێرێز” نێتفلێکس وەرگرد، کە لەناوی ڕۆڵ پارێزەریگ رانێد وە ناو ڕیتا، کە دەسمیەتی ئاغایگ مادەی هووشبەری مەکسیکی دەێد ئەرا ئاڵشتکردن ڕەگەزی.