ئامادەکاری ئەرا بەش دویەم لە فیلم M3gan
هەمیش: باس سوپاسی ئەرا جەماوەر کرد ک پاڵپشتی ئیجور فیلمیگ لە رخبردن کەن ک پەیوەندی وە وەیلکان رخەبەر دیرێد و کۆمیدیا و شیوەی تاریکی وەیەکەو گردەو کەێد.
وتیش: ئی سەرکەفتنە بوودە دەرفەتیگ ئەرا چگن وەرەو جەهان زیرەکی دەسکرت وەشیوەیگ گەورەتر، وکارکردن ئەرا دروسکردن بەش نوویگ لە فیلم M3gan.
فيلم M3gan باس خانمیگ ئەندازیار وەناو "جيما" کەێد ک لەناو کۆمپانیایگ زیرەکی دەسکرت کار کەێد، ک وەناکاوەو بوودە وەرپرس لەبان ئەو مناڵە "كادي" لە تەمەن ٨ ساڵان، دویای ئەوە ک باوگ و داڵگی مرن.
دویای زوور کارەگە لەبانی، "جيما" وەیلکانیگ ڕۆبۆت تیارێد تا مقیەتی مناڵەگە بکەێد، وەلێ ئی بڕیارە ئەنجامەیلی چەوەڕی نەکریاگە.
خەرج بەرهەمکردن فیلمەگە رەسیە ١٢ مەلیۆن دۆلار ئەمریکی، و لە هەفتەی یەکەمین نمایشکردنی لە ئەمریکا و کەنەدا زیاتر لە ٣٠ مەلیۆن دۆلار وەدەس هاورد.
تا ئیسە داهاتەیل فیلمەگە لە جەهان رەسیەسە ٥٦ مەلیۆن دۆلار.
