ئال پاچینۆ وە رۆڵ سەرۆک چەتە گلەوخوەێد
2024-05-25T11:45:47+00:00
شەفەق نیوز/ ئاڵ پاچینۆ ئاسارەی سینەمایی هۆڵیوود، ئەرا جەهان چەتەیلە گلەوخوەد، ئێ جارە پەیوەنی وە کاست فلیم Captivated کەێد، کە لەبان بنەمای چیرۆکیگ راسی رفانن جین پۆڵ گێت سێییەم نویسریاگە.
وەپای خەوەریگ لە ماڵپەڕ "CBR"، پاچینۆ جویر سەرۆک چەتەیل کالابریا رۆڵ دوینێد، کە نەوەی یەکیگ لە دەوڵەمەندترین پیایەیل جەهان، جین پۆڵ گێتی رفنێد و گشت رێکخریاگەگە خەێدە مەترسییەوە.
فیلم Captivated وەلایەن مایکل بێنارۆیا و مایکل مامۆلیتی و ماناسڤی مامگای و ئەندریا بوکۆ بەرهەم تێد، لە لێداوانیگ، بێنارۆیا رایگەیان، "فیلم Captivated گشت پێکهاتەیل فیلمیگ نایاب دیرێد، سیناریۆیگ نایاب، کاستیگ پڕ ئاسارە و دەرهێنەریگ زیرەک".
