یادێگ لە "هرکووڵ کورد" دە پارائوڵەمپیک توکیوو
شەفەق نیوز/ "مەنسوور پوورمیرزایی" وەزنە‌ئەڵگر پارائوڵەمپیکی ئێران ک لە هساو شوون "سیامەند رەحمان" هرکووڵ کورد ک جاران ئەندام تیم میللی ئێران بی، بگرێ وە نەوەکام نەتوانست ملوەن زێرین بگرێگ و دۆماێ وەرزێشتکار ئوردۆنی بی وە دوێیم.
ئی وەزنە‌ئەڵگر ئێرانییە دە بان فالینەگەێ خوەێ، وێنەیێگ لە سیامەند نابی و نووسان‌بی "سیامەند گیان، ئیمە هەمیشان هە هایمنە ویرت" تا وە رێزداری ویر لەو جەهانپەهڵەوان بکەێ.
دە ئی دەورە لە پارائوڵەمپیک، کابرا ئوردۆنیەگە ک ملوەن زێڕین گرتگە، شەس و نۆ کیلوو کەمتر لە سیامەند ئەڵگرتگە.
سیامەند دە ئەو دەورەگە ک دە وڵات برزیل نریا، سێسەد و دە کیلوو ئەڵگرت ئوو وەێ خاترە بانترین مەقام ئەرتشی برزیل، وە نیشانەێ رێزداری، "سەڵام سەربازی" وەێ دا.
سیامەند وە خاتر یە ک هەمیشە هە دەمێ وە خەنگ بی، دە دنیا وە نام "قارەمان هەڵەخەن" نام دەر کردبی ئوو بڕێگیش وە نام "هرکووڵ ئێران" نام لەێ دبردن.
