یادیگ ئەرا هونەرمەن ئازاد خانەقینی

یادیگ ئەرا هونەرمەن ئازاد خانەقینی
2023-05-01T13:42:43+00:00
شەفەق نیوز/ ئازاد خانەقینی هونەرمەنیگ شۆرشگێر و دیرین کوردستانە لەری هونەر گورانی چڕین و سرودەیلی خزمەت فرەیگ وە کەلتوور و هونەر کوردی کردیە.

ئازاد وەهاب عەبدولڕەحمان ك  وە ئازاد خانەقینی ناسریاگە لە ساڵ 1958 لەشار خانەقین لەداڵگ بویە، قۆناغەیل خوەنین سەرەتایی و ناوەندی لە خانەقین خوەنستیە و ئامادەیی کشاوەرزی لە خاڵس تەواوکردیە.

هەر لە مناڵیەو خولیای هونەر گورانیچڕین بویە ئەرا یەکەمینجار لە  یەک ئایار 1971 جویر کۆرس بەشداری ئاهەنگ گورانیچڕین لە کۆمپانیای نەفت خانەقین کردیە.

ساڵ 1979 وەگەرد شمارەیگ هاوڕییەلی تیپ موسیقای خانەقین دامەزرانن وە هووکار دەرکردن کاسیتیگ گورانی وە زوان کوردی وەلایەن دەزگا ئەمنیەیل بەعسەو تویش گردن و راونان هاتن.

ئازاد لە بروار یەک ئایار ساڵ 2006 لە تەمەن 48 ساڵی کووچ دویایی کرد.

Shafaq Live
Shafaq Live