کابرایگ تابلۆیگ وە ٦٠٠ دۆلار سینێد و وەنرخ گرانیگ فرووشێدەی
2023-01-30T11:39:20+00:00
شەفەق نیوز/ تابلۆیگ وەدەس هونەرمەن فلامەنکی ئەنتونی ڤان دیک کیشیاگە، زیاتر لە سێ مەلیۆن دۆلار وەدەس هاورد.
ئەو وینەی شیوەکاریە لەناو بووسانیگ لە ئەمریکا پەیا کریا، ک نزیکەی ٤٠٠ ساڵ لە ژیر خوەڵ و پەین بوی
ڤان دیک (1599 - 1641) شیوەکاریگ فلامەنکیە لە شار ئەنتویرب بەلجیکا لەداڵگبویە، و لە تەمەن ٤٢ ساڵە لە لەندەن مردگە.
ئەو تابلۆی زەیتیە ک لەناو زیایکردن ئاشکرایگ لەماڵ "سودبيز" فرووشیا، جویر تاقیکردن بویە ئەرا تابلۆیگتر ک دویای ئەوە ڤان دیک کیشادەی، و ئیرنگە هاناو موزەخانەی "Boijmans van Beuningen" لە شار رۆتردام هۆڵەندا.
پسپۆڕەیل مەزەنە کەن ڤان دیک ئەو تابلۆ لە گەنجیی کیشاگە لەناو ساڵەیل 1615 و1618.
ئەو کابرا وەناو ئەلبێرت ب. رۆبرتس ئەو تابلۆ لەناو بووسانیگ پەیا کردگە، و ئیجا لە خاوەن بووسانەگە وە ٦٠٠ دۆلار سنیەسەی.
