کاڤکا چوودە پووس هونەرمەنیگ ئیرانی وەناو مانا نیستانی
ئایا قسەکردن ئاشکرا لە نووڕینیگ یا باوەتیگ ئەرا کەسیگ توەنێد بوودە مدوو ئاژاوە!؟ ئایا کارتۆنیگ توەنێد گاڵ تونوتیژی لە ناوەین کەمینەیل لە وڵاتیگ بیەێد، ک هەس وە تویڕەیی بکەن، وە نیشاندان روانگەیگ ڕەگەزپەرستانە؟ کی ئەو سنوورەیلە دیاری کەێد ک لە چوارچوو نشاندان را بوودە هەڕەشە و پەلامار لەبان بڕیگ دیاریکریاگ؟ ئایا سۆشیال میدیا بوودە ئامرازیگ ئەرا نشاندان را وەبی ئەوەگ کەسیگ بخەێدە زیندان و کوشتن و بڕین؟
یانە بوینە پرسیارەیل ناو دەروین هونەرمەن کاریکاتێریست ئیرانی (مانا نیستانی) هەمیشە پرسیاری کردووە.
( مانا نبستانی؛ لە داڵگبوی ٢٩ی ئایار ١٩٧٣). لەبان ئیجویر چشتیگ دووگلە و سێگلە کەفتە سەختی.
کارتۆنەگەی لەباوەت کەمینەی ئازەری لە ئیران، خستەی ناو زیندان و سەر لەلی شیوان، تا لە دەروەدەری رەسیە فەرەنسا.
و لە فەرەنسا رووژەیلی لەناو زیندانەیل ئیران هیشت دەسوە پڕۆژەی کۆمەڵایەتی و سیاسی لە باوەت تونوتیژی و ستەم لەناو ئیران و جەهان وە گشتی بکەێد.
سریاڵ وینەیلی لە ساڵ ٢٠٠٦ وەشیوەی رومانیگ گرافیکی وە ناو "ئەهریمەنیگ ئیرانی" بوی، وەراورد وە ئەهریمەنەگەی کاڤکا، کە ئەو چیرووکیە بویە مدوو ئەوە ک نیستانی بچوودە زیندان. ئی وینەکیشانە تەوەر مناڵیگ لەناوی بوی ک وەگەرد میروویگ قسە کەێد. ک مناڵەکە داوا لە میرووەگە کەێد ئایا واژەی "میروو" وە زوان میرووەیل مانای چەس، لە وەڵام میرووەگە ئویشێد: واتای "نامانە؟"، ک ئەو وڵامە وەزوان ئازەری بوودە واتای "چە؟".
و لەوەر ئەوە وەڵام میرووە ک لە ناوی بویە وە زوان ئازەری ک زوانی کەمینەیگ ستەمدیدەی ئیرانە، جەهان لەوەردەم رای نیستانی هەڵسیا. تا ئەوەنە ک حکومەت ئیران وە هەڕەشەیگ لەبان ئاسایش گشتی دادەی قەڵەم، و وەگەرد ئەوەیش کەمینەی ئازەریەیل ئی کارە وە سووکایەتیکردن وەپییان زانستن، و یەیش بویە مدوو خوەینشاندان ئازەرییەگان لە ئیران، ک حکومەت بە وەشیوەیگ دڕندانە و قیزەون وەگەردیان رەفتار کرد، ک شمارەی فرەیگ لە خوەینشاندەرەیل کوشیا، و لەو وەختە وتیا: "گیان کاڤکا چیە پووس نەستانی تا بوودە لەعنەتیگ هەمیشەیی لەبانی ک هەمیشە کەفێدە نەفرەتکردن" ئەو هونەرمەنە چەن جاریگ دووپات کردگە ک وە نیاز تویڕەکردن کەسیگ نەویە و وینەگە ئەرا مناڵەیل بویە، وەلێ دەسەڵاتدارەیل لە مەوقەی لێکۆڵینەوە وە ڕاپۆرتکردن شمارەی دەسگیرکریاگەیل یا ئەوانەگ لە ناڕەزایەتیەیل کوشیانە، زوور هاوردنە بانی، هەرلیوا، نستانی خوەییش، ویژدانی لەبان ئەو کوشتن و بڕین وە ئازەریەیل قەت ئارام نەوی.
کارەیل نیستانی خەڵاتەیل فرەیگ وەدەسهاوردگە، ک بەرهەمەیلی وە دروشم (رزگاربوین لە کوشتن و بڕین و ئیدانەکردن سانسۆر) بوین.
رووژنامەنویس فاوستین ڤینسێنت ئویشێد؛ ئەو خوەینشاندانە ک هەڵسیا، وەلایەن دەسەڵاتدارەیل وە خوین سەرکوت کریا، و مانا نیستانی دویای دوو مانگ دەسگیرکردن توەنست خوەی درارێد، و پەنا وەرەو مالیزیا بوەێد.
ساڵ 2010 لە مالیزیا دەرچگ، و رەسیە فەرەنسا و لەورا جویر سیاسەتمەدار ماف پەنابەری وەرگرد.
مانا نیستانی هەمیش لە لەبان فەیسبووک باس لە دەمکوت میدیایی و رەوش ئیران کەێد، ک برادەرەیلی لەناو ئیران وەپی ئویشن: "نیەتوەنین وە ئاسانی پەیوەندی بکەیمن، چوینکە رژیم چەودیاریکردن گشت چشتیگ لە ئینتەرنێت کەێد، فرەیگ لە پەیامەیل فلتەر کریەین و سانسۆر کریەن" دڵیان خوەشە وەو گرافیتەیلە لەقەی دیوار زانکۆەیل نریانە، "باوجی یە کاریگ رخبەرە، چوینکە ماف ئەوە نەیرن ئی کارە بکەن". ، و لە بان فەیسبووک جی نیگەرانیە، ک پەیام وەپیم رەسێد داوای وەخشین کەن چوینکە نیەتوەنن کومینت یا "لایک" ئەرای وینەیل ناو پەیجەگەم بکەن، و ئویشن هاتێ پەیجەگەم لەژیر چەودیاریکردن رژیم بوود.
