کراسیگ جوور قەڵغان جەنگاوەر

ە موزەخانەی هونەر ئیسلامی، کراسیگ ک ناونریاگە وە کراس مەئموون، هالە ناو موزەخانەی قاهیرە ك هن سەردەم سەفەویەگانه‌. ئەیە تاقە نمونەیگە لەی کراسەیلە.
ناو کراسە سحریەگەس، چوینکە ئەرا مەقیەتی سوارەیل جەنگاوەر و شازادەیل دویریاگە، جوور قەڵغانیگ مقەیەتیان لە تیر دوژمن بکەێد، قسەیش هەس ک ئویشێد وەهەرکەس باوەڕ داشتنە ک جن لە لەشی بویە، مەئموون ئی کراسە کردیادە وەری تا جنەگە لەلی دەربچوود.
لەبان کراسەگە ئایەت کورسی نویسیاگە وەشیوەیگ دووارەکریاگ، ولەخوارەو شیەوی چوارسووکە لەقیەو کریاگە، ک ناوەیل خودا نویسیاگە وەگورەی ئەنجام ژمارەگان، ک ئەوسا یەکیگ لە شیوەگان زانست ئیسلامی بوویە، وبڕیگ ئایەت قورئان وتەڵسەم ئەڵاجەوی کیشیاگە، بەشیگی ناو پەریەگانە وبریگیش ناو شەیتانەگانە.
مەردم فرە لە باس کراس سحریەگە یا ( تەڵسەمیان) نەزانستنە، تا فیلم ( فیل کەو) عەرەوی دەرچگ.
کراسەگە هاله‌ موزەخانەی ئیسلامی ، موستوفا بەگ شەمسدین قورتار خوەی لەلی کرد، هەنای زانست ئی کراسە پەیوەندی وە جادو دیرێد، وکەسیش بیجگە ئەو لە نهێنیەگانی نێزانێد، دویای ئەوە ک ماکس هیرتز سەرپەرشتیار موزەخانەگە لەلی سەندەی، ک ئەو وەختە گەورای ئەندازیاران دەسەی مقەیەتی ئاسەوارە کۆنەگان بوی، وپێشکەشی کردە موزەخانەی هونەرە ئیسلامیەگە، وەرجە دەرچگنی لە میسر له‌ ساڵ ١٩١٤ . قسەیش هەس باس کەێد ک کراسەگە هن شاه دەوڵەت سەفەوی بویە ، سەفی دویەم کوڕ عەباس دویەم ک وەپەنج پشت رەسێدە خودابەندە کوڕ تەهماسب سەفەوی، ک لەتەمەن دە ساڵان بویە شاه، ودویای هەفت ساڵ تویەنست قەندەهار لە دەس عوسمانی بوەێدەو، ولەوەخت بیماری ئی کراسە کرده‌ وەر، تا هاوکاری بوود لە خاسەوبوین، وەلی کراسەگە هویچ ئەرای نەکرد، تا لە کۆشک خسرەو ئاباد مرد.
دیارە ک دویاترین کەس کراسەگە لەوەری بویە کوشیاگە، ک شوین خوین هاوە قەیەو، و نووسانەگان لەکوشتن رزگاری نەکرد