کووچبردن مارەیل.. ویلایەتیگ ئەمریکی رییگ سەرەکی بڕێد تا مقەیەتییان بکەێد
2022-09-05T14:05:03+00:00
شەفەق نیوز/ دەسەڵاتەیل ژیان هشکایی لە ویلایەت ئیلینۆی ئەمریکا، ئمڕوو دووشەممە، بەسیان جادەیگ سەرەکی راگەیان ئەرا مقەیەتیکردن مارەیل لە فەوتان.
ڕاپۆرتەیلیگ رووژنامەوانی وتن: دەسەڵاتەیل ژیان هشکایی لە ویلایەت ئیلینۆی، ٣،٢ کیلومەتر لە جادەیگ سەرەکی بڕین، و نەهیشتن ماشینەیل وەبانی رەد بوون تا کۆتایی مانگ تەشرین یەکەم ئایندە، تا ری وە مارەیل بیەێد کووچبردن ساڵانەیان وە ئارامی تەواو بکەن.
خزمەت دارسانەیل ئەمریکا وت: ری دارسانەیل شمارە ٣٤٥ ک وە ناو (ری مارەیل) ناسریاگە لە دارسان شاونی نیشتمانی لە یەک ئەیلول تا ٣٠ تەشرین یەکەم بڕیاگە.
