واز لە تووڕەیل کۆمەلایەتی بار و 2000 دۆلار وەدەسبارە
2022-02-11T06:33:33+00:00
شەفەق نیوز/ کۆمپانیای ئاپ تایم ڕاگەیان، مینەی کەسیگ ئازا و خوەبەخش کەێد ک ئەرا ماوەی دو مانگ گشت تووڕەیل کۆمەڵایەتی بسڕێدەو لەوەرانوەر ئەوەش 2000 هەزار دۆلاری ئەمریکی وەرگرێد.
کۆمپانیاگە بڕیگ مەرج دانایە بایەت کەسە خوەبەخشەگە جیوەجی بکەێد، ئەویش سڕین بەرنامەیل فەیسبوک، ئینستاگرام، تیک تۆک، سناپ چات، تویتەر و گشت بەرنامەیلترە ، یەکیگ لە دامەزرێنەرەیل کۆمپانیاگە پاتیرک ئۆلکەر وتیە:”ئامانج لەی کارە ئەوس کاریگەری توورەیل کۆمەڵایەتی لەبان کار و تەندروسی دەرۊنی کەسەگان دەربکەفێد وەتایبەت لەوەخت بڵاوبۊن کۆرۆنا ک وەکارهاوردن تووڕەیل کۆمەڵایەتی وەڕێژەی %16 زیای کردیە”.
باس ئەوەیش کرد ک کۆمپانیاگە وەی کردارە دژ تووڕەیل کۆمەڵایەتی نەوەسیایە، باوجی تواێد ئەو گرفتەیلە بخەێدە رۊ ک لەوەر ئاڵودەبۊن مەردم وە تووڕەیل کۆمەڵایەتی دروس بۊیە.
