چوار خواردن دەسمیەتی ئەوزەڵکردن باڵای مناڵ دەن
![چوار خواردن دەسمیەتی ئەوزەڵکردن باڵای مناڵ دەن](https://media.shafaq.com/media/arcella/1640678725671.jpg)
شەفەق نیوز/ لەو تەمەنەگ مناڵ دەس وە ئەوزەڵکردن کەێد، ژینگە و سیستم خوەراک تەندروس کاریگەری فرەیگ لەبان باڵا و تەندروسی و وەهێزبۊین سوخانەیلی دیرێد، لەوەر ئەوە بایەتە گشت داڵگ و باوگەیلە سیستم خوەراکی تەندروس ئەرا مناڵەگانیان ئەڵوەژن.
چوار خوەراک دەسمەیەتی مناڵ دەن:
بادەم
خواردن بادەم لە شەوەکیان دەسمیەتی خاستر هۊیرکدن ، تەندروسی دەماخ و چەو دەێد، چۊنکە دەوڵەمەنە وە ڤیتامین و چەوریە وەڵفەت بەخشەیل، دەور گرنگیگ ئەرا تەندروسی سقان دیرێد و دەسمیەتی ئەوزەڵکردن مناڵ دەێد.
خا
سەرچەوەیگ دەوڵەمەنە وە چەوری و پڕۆتینەگان، وەڵفەت فرەیگ ئەرا تەندروسی دیرێد.
شیر و شیرەمەنی
بێجگە لە پڕۆتیەگان سقانەیلە ڕێژەی خاسیگ لە کانزای کالیسیۆم خوازن، سەرچەوەی کالیسیۆمیش شیر و باوەتیەیل شیرەمەنیە جۊر ماس، پەنیر و کەرە.
سەوزە
وە گشتی مناڵ خوەشیان لە سەوزە جۊر سپێناخ، بڕۆکلی، شەڵغەم و کەلەرم نییە، باوجی سەرچەوەی سەرەکی ڤیتامین و کانزایلە لەوەر ئەوە بایەتە لە سیستم خۆراکی بوون.