واتسئەپ ئامادەکاری کەێد ئەرا خستنەبازاڕ تایوەتمەنی نوویگ

شەفەق نیوز/ ئەپڵیکەیشن واتسئەپ ئامادەکاری کەێد ئەرا خستنەبازاڕ تایوەتمەنی نوویگ کە هیلێد بەرنامەگە کەمیگ لە هاوتابوین لە تووڕەیل فەیسبووک و ئنیستاگرام نزیکەوبوود.

واتسئەپ پشتڕاسی کردیە دویای نووترین نووکاری بێتا ئەرا سیستەم کاروەپیکردن  ئەندرۆید و ئای ئۆ ئێس، تایوەتمەنی نوو دەرکەفتیە کە ریگە دەێد وە واکارهاوەرەیل راستەوخوەی لە پەڕەی چاتەگان سەردان ستۆری هاوڕێگانیان بکەن.

تایوەتمەنیەگە هیلێد هەر لەبان پەڕەی چاتەیلە خەوەرداربوید لە ستۆری هاورێیەێلد لەوەخت هەبوین ستۆریگ بازنەی دەور وینەی پرۆفایلەگە سەوزەوبوود و لەدویای ئسفاکردنیان ڕەنگیان ئەرا خوەڵەکویی ئاڵشتبوود.