واژووکردن کتاویگ ئەرا "شێخ باوه" لە هەرێم کوردستان.. وینە
2022-12-12T15:05:42+00:00
شەفەق نیوز/ لە هۆڵ کتاوخانەی گشتی لە کەلار سەروە ئیدارەی گەرمیان لە هەرێم کوردستان، ئمڕوو دووشەممە، ئاهەنگ واژووکردن کتاو (شێخ باوە، باس ناوچەگە)، ئەرا نویسەر مامووستا رەحیم حەمید عەبدولکەریم وەڕیەو چگ.
ئاهەنگەگە وە ئامادەبوین بڕ فرەیگ لە ئەدیب و رووشنهویر و دەمچەرمگەیل گەرمیان و دەوگردی وەڕیەو چگ.
جیهاد دەلو نویسەر و رووژنامەنویس ئەرا ئاژانس شەفەق نیوز وت: کتاوەگە وە زوان کوردی چاپ کریاگە، و سێ وەرز هاناوی، وە 248 لاپەڕە لە تۆێژینەوە و بەڵگەنامە و میژوو و جوگرافیا و ئابووری و کۆمەڵایەتی ئەرا ناوچەی شێخ باوە ک کەفێدە ری ناوبەین کەلار و جەلەولا.
دەلو دیاری کرد ک ئی ناوچە لە ناوچەیل کوردستانی گرنگ لە دەیشت دەسەڵات هەرێم کوردستان دریەێدە قەڵەم، و دیاری کرد ک کتاوەگە بڕیگ بەڵگەنامە و نەخشە و وینەیل جویراجویر هاناوی، ک میژوویان چوودەو ئەرا سەردەم عوسمانی و شاهی و کۆماری.
