کوڕیگ وە پۆستەر بان جادەیلە مینەی دەزۊران کەێد
شەفەق نیوز/ گەنجیگ بەریتانی تەمەن ٢٩ ساڵ، لە ری تابلۆ ڕیکلام بان جادەیل پۆستەریگ بڵاوکردیە، وە دۊیای دۊتیگ کەێد تا بخوازێدەی.
ماڵپەڕ بی بی سی بەریتانی لەو ناوەتە نۊسایە، ئەو گەنجە لە ری تابلۆیەیل لەبان جادەی شار بێرمینگهام لە بەریتانیا، پۆستەریگ بڵاوکردیە و مینەی ژن گونجیایگ کەێد.
لەبان پۆستەرەگەی وێنەی خوەی بڵاوکردیە و نۊسایە "قورتارم بکە لە هاوسەرگیریی ڕێکخریایگ" ک نێخوازێد هاوسەرگیریەگە داڵگ و باوگی کەسیگ ئەرای پەیابکەن، لە خوار پۆستەرەگە ئیمەیڵ خوەییش دانایە.
ئەو گەنجە لەباوەت ئەو کارەی وتیە، نەتۊەنستیە لە ژیانی کەسیگ گونجیایگ پەیابکەێد و بێخوازێد لە ری باوانی کەسیگ پەیابکەێد، بەڵکم خوازێد خوەی یەکەم کەس بوود کەسەیگ گونجیاگ ئەرا ژیانی پەیابکەێد.
ئەو گەنجە ئۊشێد "پیاو بازرگانیگ و خوەشوە ئاین و خواردنم، دۊتیگ توام ئایندار و جوان بوود".
