وەهێزترین ژن لە جەهان شمارەی پەیمانەیی شکنێد

شەفەق نیوز/ خانمیگ ئیرانی وەناو گیتی موسەوی ک وە نازناو "وەهێزترین ژن جەهان" ناسریاگە، شمارەی پەیمانەیی وەرین شکان و تۊنست ماشین بارهەڵگریگ قورس بکیشێد.       

وەگورەی هەواڵ ئاژانس سپۆتنیک، لە ڤیدیۆگە دەرچگە، موسەوی تۊەنێد ماشین بارهەڵگریگ ک کێشەکەی ١٧ تەن و ٢٠٠ کیلۆگرام بۊی، ئەرا مەودای ٤١ مەتر لەماوەی یەک خولەک و ٣١ چرکە بکیشێد.    

وەی جورە توەنست شمارەی پەیمانەیی وەرین بشکنێد ک لە ساڵ ٢٠١٩ تووماری کردبۊی.    

دۊیای ئی دەسکەفتە گرنگە، وەهێزترین ژن لە جەهان وتیە، "من فرە دڵخوەشم ئی کارە ئەنجام دامە، من نێخوازم هێزەگەم نمایش بکەم، تەنیا توام بۊشێم ئایەم ئەگەر چشتیگ بتواد توەنێد ئەنجامی بدەێد، تەنانەت ئەگەر ژنیش بوود، توانێد ئەنجامی بەێد، گشتمان تۊەنیمن ئەنچامی بیەین".