وێنە.. گووش ماسی بۊەسە جی باس و خواردن مەردم سلێمانی
شەفەق نیوز/ گووش ماسی، یەکەیگە لەو خواردنە دەریایەیلە، هەرچەن یە ماوەی کەمیگە بۊیە لە کوردستان ناودیارەوبۊە، باوجی ئێرینگە بۊیەسە یەکیگ لەو خوەراکەیلە ک گەورەو بۊچگ دوس دیرن تاقیی بکەن، بێجگە لە وەلیفەتەیلی لەوەر شیوە رەنگینەگەی و تامە جیاوازەگەی ئەرزەت خواردنی کەن.
ئەحمەد تەمەن ۲۲ ساڵ یەکیگ لە فروشیارەیل گووش ماسی ناو شار سلێمانی ک یەکەم کەس بۊە ئی کارە هاوردیەسە سلێمانی، ئاژانس شەفەق نیوز دیداریگ وەگەردی سازدا باس لە ئی پیشەیە ئەرامان کرد.
ئەحمەد وە ئاژانس شەفەق نیوز وت؛ ماوەی ٨ مانگە کار لە فروشتن گووش ماسی کەێد ئی جۊرەی ئیە فروشێدی وە میدیا دۆڵمە ناسریاگە، وتیش؛ یانە یەکەم کەس بۊنە کار میدیا دۆڵمە هاوردنەسە سلیمانی.
باس لەوە کرد ئیرنگە لە چەن شۊنیگ لق وازکردنە ئەرا فروشتن میدیادۆڵمە ک هانە لە جادەی ئۆرزدی ناو بازار سلێمانی و سەهۆلەگە، و شەقڵاوە ،ولە هەولێر لە جادەی ئیسکان. ئەرا ئاژانس شەفەق نیوز ئاشکەرا کرد، شمارەیگ فرە لە مەردم سەردانی کەن ئەرا سەنین گووش ماسی خوازیار خوەی دیرێد.
هەر لە مەوقەی دیدارەگە شمارەی فرەیگ لە گەورە و بۊچگ سەردانی کرد ئەرا سەنیین میدیادۆڵمە، بڕیگ لەلیان بسینن هەمیشەیین و لەلیانیش ئەرا تاقیکردن سەردانی ئەکردن، فرەیگیان فرە خوەشیان وەتامەگەی ئەهات.
چەن بسینەیلەیگ قسە ئەرا ئاژانسەگە کردن باس لە تامخوەشی ئی خواردنە ئەکردن و لەلیشیان بۊ دڵیان نەچیە تاقی بکەنەو.
ئەحمەد لە قسەیلی ئەرا ئاژانس شەفەق نیوز وت؛ سوپاس ئەرا خودا کارەگەم سەرکەفتی بۊە و نان ژیانم دابین درارێد، خوەراکیگە مەردم سلێمانی پێشوازی فرەیگ لەلی کەن، وتیش؛ ئی میدیا دۆلمە گوشت گووش ماسیە، خوەیە وەگەرد برنج خڕ وە دۊای ئەوەگ وە هەڵم کوڵیەێد و ئامادە بوود، لەمەوقەی خواردنیش ئاو لیمو کرێدە بانی.
وتیش، ئەوە دروسکریای ئیرە نییە، ک لە تورکیا وە ئامادەکریای و فرووشنەی.
