چ پەیوەنییگ ها لە ناوەین شەکر و فرە جویلەیی زاروو؟
2024-04-22T14:58:52+00:00
شەفەق نیوز/ باوەڕیگ لەناو داڵگ و باوگەیل بڵاوەو، کەخواردن شیرینی زاروویەیلە تویش گیچەڵ فرە جویلەیی کەێد ، باوجی توێژینەوەیل نوو ئێ باوەڕە ئاڵشت کەن.
رووژنامەی واشتۆن پۆست بڵاویکردیە، ئەو باوەڕە خواردن شیرینی مناڵ تویش فرەجویلەیی کەێد ئەراساڵ 1973 گلەوخوەد کەوەلایەن پزیشکیگ هەستیاری وەناو بنیامین فینگۆلد بەرهەم هاوریاس، لەو باوەڕە بوی پەیوەنی لەناوەین رەنگ خوەراکی دەسکردەسل و مادەی پارێزە و زیایکریاگەیل و فرەجویلەیی مناڵەیل هەس..
هەرچەن پزیشکەگە لە توێژینەوەگە وە هویچ جویریگ باس لە شەکر نەکردیە، چوینکە فرەیگ لە خوەراکەیل رەنگدار زاروویەیلە شەکردارن هیشت ئەو باوەڕە لەناو داڵگ و باوگەیل بڵاوەوبوود.
توێژەرەیل ئوشن وەگەرد ئەوەگ هەرگیز پشتگیری خواردن شەکر وەلایەن مناڵەیلەو نیەکەیمن چوینکە بوودە هوکار قەڵەوی باوجی دڵنیایی وە داڵگ و باوگەیل دەیمن خواردن شەکر هویچ پەیوەنیگ وە رەفتار مناڵەو نەیرێد.
