وینەیگ لەناو زنجیرەی سیمپسۆن.. ئایا مەزەنەی ئاڵشتکردن لۆگۆی تویتەر کردیە؟

 ئیلۆن ماسک تەمەن 52 ساڵ، هەفتەی گوزەشتە لە زنجیرە تویتیگ نووترین ئاڵشتکاری لە پلاتفۆرم سۆشیال میدیا ئاشکرا کرد، دویای سەنین کۆمپانیاگە لە ساڵ 2022.

 ئاشکرا کرد کە لۆگۆی وەناوبانگ مەلویچکە کەوەگە بویەسە "X"، یەیش نشانەیگە کە ئاڵشتبوبن مارکەی تویتەر زیاتر بوود و تەنیا ئاڵشتکاری لە لۆگۆگە نییە، باوجی چاکسازییگ گشتگیر بوود لەو ئەپڵیکەیشنە".

 ئایا سیمپسۆن مەزەنەی ئەو کارە کردیە؟ 

 وەکوتپڕ دویای ئەوەگ کۆمپانیای ماسک ناو "X" ئاشکرا کرد و پەردە لە مل شیوەی لۆگۆگە لاورد، کە چاپیگ سیا و چەرمگ وە پیت (X)ە، وەکارهاورەیل سۆشیال میدیا دەسکردنە  بڵاوکردن وینەی پشیەگە لە زنجیرەگە، ک وتن؛  مەزەنەی ئی ئاڵشتکاریە کردیە.

 ئەڵقەیگ ساڵ ٢٠١٢ی بەرنامەی "The Simpsons" دەرکەفت کە هۆمەر (کارەکتەر سەرەکی) ئەپیگ وەکار تیەرێد کە لۆگۆگەی لە لۆگۆی نوو "X" کەێد.

 لە ئەڵقەگە وە ناو "Ned 'n' Edna's Blend Agenda"، هۆمەر نووڕێدە  مۆبایلە زیرەکەگەی، هەرلیوا ئەپیگ لەبان شاشەی سەرەکی مۆبایلەگەی دەرکەفێد کە فرە هاوشیوەی لۆگۆی نوو X ـە.

 زنجیرەی سیمپسۆن ناودیارە وە پێشبینیکردن بڕیگ رویداو، لەوانە پەتای کۆرۆنا و سەرۆکایەتی دۆناڵد ترەمپ لە ئەمریکا.

 زنجیرەگە تا ماوەی ٣٣ ساڵ وەردەوام بوی و لە ماوەی ٧٥٠ ئەڵقە دەس خستە بان بڕیگ باوەت، یەیش هیشت وەیجویرە دەرکەفێد  کە "وە تەواوی گشت چشتیگ هاناوی".