ئەو مناڵ بلیمەتە.. لە ١٤ ساڵان خوەنستن تەواو کەێد تا بچوودە ناو کۆمپانیایگ جەهانی
وەگورەی رووژنامەی "زە گاردیان بەریتانی"، کیران کوازی وەی زویە لە مەکتەو دەرچوود، و دەس کەێدە کارکردن لە کۆمپانیای ناودیار سپەیس ئێکس، یەیش وە شایستەی بڕوانامەیلی.
مەزەنە کریەێد ئەو کوڕە لە هەڤدەی مانگ حوزەیران لە زانکۆی سانتا کلارا لە ویلایەت کالیفۆرنیا دەرچوود، و وەی شیوە بوودە بویچگترین دەرچگ ئەو دامەزراو پەروەردەییە ک میژوو خوەنستنی ئەرا ١٧٢ ساڵ درویژە.
ئی کوڕە پەیوەندی وە لیستیگ سنووردارەو کەێد لەو گەنجەیلە ک زانکۆ تەواو کردنە لە وەختیگ هیمان مناڵن.
و داتایل ماڵپەڕ "Oldist" ک تایبەتمەنە وە میژوو، ئاشکرا کەێد ک کیران یەکیگە لە دە گەنجترین دەرچگەیل تا ئیسە.
و میدیایل ناوخوەیی کالیفۆرنیا بڵاو کردنە ک خیزانەگەی بلیمەتی کیران پەیا کردنە هەنای لە تەمەن دوو ساڵان بویە، وە رستە و زوان پاک قسە کردگە.
هەنای لە نەمامگە بویە، لە تەمەن دوو ساڵان، دیار بویە کیران توانای گووشگڕدن لە ڕادیۆ داشتیە، و لەلی فامستیە، ئەراوە وەگەرد پەروەردەکارەیل باس ئەو چشتەیلە کردیاد ک لە رادیۆگە وتایاگە.
هەناێ لە ساڵ سێیەم سەرەتایی بویە، کیران تاقیکردنەوەیلی ئەنجامدا ک دەرکەفت ک زیرەکی تیژیگ دیرێد، و ئەو باوەتەیلە ک خوەنێدەو لەلایەو فرە ئاسان بوینە، ئیجا داڵگ و باوگی کەفتنە ئەو فتراقە ک خوەنستن ئاسایی ئەرای نەگونجیاگە، تا پەیوەندی وە زانکۆی پۆزیتاس کردن، و لەورا ئاست گەورەی خوەی نشان دا، ئیجا ئەرا خوەنین زانست کۆمپیوتەر، لە تەمەن یانزە ساڵی روی کردە زانکۆی سانتا کلارا.
مەوقەی هامشوو لە ناوەین مەکتەوەیل، دەرفەت چاشیان لە بوار زیرەکی دەسکرد ئەرای پەیا بوی، لە تاقیگەیگ کۆمپانیای ناودیار "ئینتێل" ئەنجامی دا.
کیران لە وتەیگ لەبان ئی رییە و چوین وە زوی لە سەرەتایی و ئەوەگ لە پشتی دەرچگە، وت "هەس کردم زانکۆ گونجیاگترین شوینە ئەرا هووکارەبوینم".
لەی دویاییە لە دیداریگ کارد وەگەرد کۆمپانیای ستارلینک ک پەلیگە لە کۆمپانیای سپەیس ئێکس ئەرا دابینکردن ئینتەرنێت وە مانگە دەسکردەیل، وە سەرکەفتن رەد بوی، هەرلیوا لە بەیاننامەیگ ئەرا رووژنامەیل راگەیان ک ئی کارە خوازێد، چوینکە ئاسوو زیاتر ئەرای واز کەێد.
